متحدہ عرب امارات کے صدر شیخ خلیفہ بن زاید النہیان کے انتقال ہوگيا

مہر خبررساں ایجنسی نے متحدہ عرب امارات کی سرکاری خبررساں ایجنسی وام کے حوالے سے نقل کیا ہے کہ متحدہ عرب امارات کے صدر شیخ خلیفہ بن زاید النہیان کا 73 برس کی عمر میں انتقال ہوگیا۔یو اے ای کی سرکاری خبر ایجنسی کے مطابق شیخ خلیفہ بن زاید النہیان کے انتقال پر چالیس روزہ سوگ اور 3 دن کی عام تعطیل کا اعلان کیا گیا ہے۔ شیخ خلیفہ 3 نومبر 2004 سے متحدہ عرب امارات کے حکمران تھے۔ صدر خلیفہ بن زاید النہیان کافی عرصے سے مختلف بیماریوں میں مبتلا ہوکر کافی کمزور ہوگئے تھے جس کے باعث ملکی امور ولی عہد محمد بن زاید النہیان چلا رہے تھے۔